10
Finais dos 80. Industrias Pesqueiras está preparada para a globalización
En 1987 falece Valentín Paz-Andrade. A Revista acaba de cumprir 60 anos. Colle o temón o seu fillo Alfonso Paz-Andrade, empresario de éxito, mecenas cultural e alma mater das Exposicións Mundiais da Pesca de Vigo de 1973 e 1985 (sempre organizadas desde a sede da Revista). Moderniza a publicación e acádanse varios fitos:
- A internacionalización de Industrias Pesqueiras (con subscritores non só en España e Portugal, senón en toda Europa, América e África).
- A promoción das empresas mixtas e as campañas para crear un marco legal axeitado.
- A organización das Exposicións Mundiais da Pesca de 1991, 1997, 2003 e 2009.
Sobre o taboleiro dun mundo complexo preséntanse retos como:
- Os intereses de España na Política Pesqueira Comunitaria (PPC).
- A paralización das axudas europeas á construción naval.
- Os acordos da CEE con Marrocos e Mauritania.
O biólogo Manuel Gómez Larrañeta, director do Instituto de Investigacións Mariñas de Vigo (CIM), publicou un artigo en Industrias Pesqueiras que demostraba o potencial do fletán negro e animaba á súa explotación comercial. Desde entón, comeza a pescarse en Terranova xunto co bacallau.